3月14日大雄和靜儀終於拉埋天窗，真係好感動呀！青基段片好棒！你地都好叻呀！！辛苦左成年，終於出世啦~ .~ 今晚有機會睇下大家以前d blog, 有好笑也有溫情的時候，認識你地真好！可惜的是，基於某些原因，d blog 都荒了…失去了一個可以互相了解、關心的途徑，該怪誰呢？可以怪誰呢？原本於網上公開自己的情感就是件冒險的事，有開始的時候，也該有結束的時候。

昨天晚上，現修讀的course上映人生劇場，由班上一位同學主動分享他的過去，然後即時搵人一起演譯，藉重溫過去，衝突過去的惡夢、重拾自信、重建自我價值，整整兩個鐘，作為觀眾的我真有點覺得悶、辛苦，但見教授耐心地逐一引導當事人解開心中鬱結，重見笑容，實在令人鼓舞！我想輔導者要有 心 真的很要緊，之前曾陪個朋友去見政府醫院d 心理輔導，完全唔係o個回事，純粹敷衍了事，毫無愛心、專業可言。自己有時都會覺得愛心不夠，完全無信心o個朋友可以靠輔導好番，求主加增我愛心、信心、同理心。

--------------------------------------------

我部電腦好好好好慢呀！load 一個網頁要10多分鐘，救命呀！不要考我耐性，好嗎！？

我放大假啦！好想好想去台灣，但好遲才去辦台證，唔知趕唔趕得切，感謝主！！終於在 3/10收到，立即bk機票、酒店，今次係我第一次咁認真plan 行程，好興奮

7/10 一大早起身趕去香港機場，9:00機，10:00多就到了高雄，最享受在飛機上看雲海，感覺與神好接近… 酒店check in 後開始在街上閑  ，飲了杯珍珠奶茶，真的很不錯！有個的士佬話英國領事館那邊是個景點，於是決定去那邊探索一下，去的時候經過一個海灣，有許多電單車上船，覺得奇怪，於是決定跟埋一齊上船去睇睇。嘩！短短10分鐘的船程，卻帶我地去左另一個世界：有沙灘、炮台、單車，踩單車沿海邊跑，海風吹埋黎真舒服，那裡的沙很幼很黑，我裝了一樽沙返來呀！燒花枝好好味，夜闖造船廠好刺激 (行錯路的緣故 XDD)，可惜的是食唔到靚海鮮！！

8/10 出發往懇丁，坐了2個多小時才到，海洋玫瑰(最近海的民宿) FULL 左，仲晒左200蚊的士費，對它印象一般，得2間屋，一個海，其他乜都冇。最後住了鯨鯊民宿，超正超大！露台對180度大海，夜晚可以睇星星，屋主又好人，送早餐，接送往懇丁大街。**水上電單車刺激度還可，難忘的是超級肥仔司機，我左手碰不到右手…

9/10 早上在海邊探索…然後往嘉義 (不喜歡這地方，的士最貴…) ---> 7:30pm才到阿里山

10/10 4:30起身出發上玉山國家公園睇日出，坐了1個多小時的山路才到達日出地點，好緊張呀！有個同阿B 差不多大的BB都去，好得意！好掛住恩培仔啊！下次要帶埋佢 ,  那幾天都好好天，日出？當然睇到啦，不過好刺眼，從山後面出來的。最愛的是坐神山小火車，是用檜木做的，繞住檜木區上山，睇左20多棵大檜木，十分壯觀！可惜時間不夠，不能行完全程，覺得很可惜，要趕落山…很想帶埋阿B 行阿里山 =^.^=